Æfingar vikunnar

Minni á æfinguna í kvöld klukkan 21:30. Langt síðan við höfum haft æfingu þannig að menn hljóta að fjölmenna í kvöld og allir gestir velkomnir. Síðan tökum við stöðuna fyrir morgundaginn hvort við höfum æfingu þá. En látið vita með mætingu á þessar æfingar hér fyrir neðan.
Ég reyni að mæta bæði í kvöld og á morgun en er reyndar handónýtur eftir leikinn á laugardaginn þannig að ég er ekki alveg 100%.

Dagskrá vikunnar

Þá er leikjatörninni lokið og uppskeran heldur rýr. Fyrri hálfleikurinn á móti Júmboys var mjög fínn hjá okkur og sennilega besta vörn sem við höfum spilað í vetur með Gatla og Stykkið í hörkuformi. Eins og svo oft áður hvarf sjálfstraustið í sókninni í seinni hálfleik og vorum við kaffærðir í hraðaupphlaupum. Endaðið leikurinn með tíu marka tapi sem var alltof stórt því það voru vissulega jákvæðir punktar hjá okkur. Ég komst svo ekki í Lukkuleikinn sem endaði með þriggja marka tapi og heyrðist mér að við hefðum spilað mjög illa heilt yfir í þeim leik. Menn sögðu samt að Simmi hefði spilað vel. En við höfðum svo að lokum sigur á Hetti á laugardaginn 35-29 og það þrátt fyrir að höfum sennilega sett Íslandsmet í misheppnuðum sendingum fram. Við spiluðum einfaldlega hörkuvörn mest allan leikinn og Guðjón Óskar var eins og klettur í markinu.

En dagskrá vikunnar hljóðar uppá æfingu á miðvikudag klukkan 21:30 og svo heimaleik hjá okkur í STRANDGÖTU á laugardaginn klukkan 16:30 við Víking. Mfl er að spila á fimmtudaginn í Krikanum og því fellur æfingin niður þá.

Endilega reynum að mæta sem flestir og láta vita með mætingu hér fyrir neðan.

Fullt af leikjum og allt að gerast

Minni á leikinn við Júmboys miðvikudag klukkan 21:00 í Mosfellsbæ. Mæting 20:15.

Síðan verður leikurinn við Lukkuna á fimmtudaginn klukkan 21:30 í Kaplakrika. Mæting strax eftir leik hauka og FH. Við þurfum að redda dómara fyrir þennan leik.

Að lokum hafa Hattar menn haft samband og vilja spila leikinn um næstu helgi og á ég von á svari í dag frá Sigga bakara og Geira Hall um hvenær við gætum fengið tíma um helgina. Ég læt svo Hattar menn vita af því og þeir láta svo vita hvort það hentar eða ekki. Þeir ætla að reyna að koma í bæinn um helgina og spila tvo leiki en áttu eftir að fá svör frá einhverju öðru liði líka.

Endilega látið vita sem fyrst hér fyrir neðan hvort þið komist í leikina og einnig með dómara.

Ég kem pottþétt í mosfellsbæinn en ef ég kemst í leikinn á móti Lukkunni þá kem ég seint.